TATAK
Angghidhân : Bustomi Ir. Kn
Atè bulâ ma' sajân pellay
Sokma sajân ngalanyar
Ḍâḍâ ngabbhlâk pon mokka' rosèya
Roso' talanjuk dhâddhi arè' lancor
Marghâ dhika pon nyèmpè
Rajâ ghâluḍhuk korang ojhân
Pagghun ta' bângal addhu aḍâ'
Marabhut panas apoy sekkem
Kampowan ngebbhul ka bun- embunan
Marḍâ marong ka bâng-abâng
Terkas ampos langngè' kapèng pètto'
Tapè dhika ma' adhina ghâlângghâng
Nyabâ bulâ pon bhârât kasanga
Ta' kabâtèr rempa'na langngè' mèra
Marghâ dhika coma ghenḍhâk bârângka
Nyopprè bulâ taḍâ' ajhina
Sanonto bulâ bân dhika
Paḍâ nongko' è buḍina pangonong
Paḍâ ngabbher è attas kalèlès
Paḍâ èkarana è attas lèncak
Sanat narabhâs tana ambet
Ngalatar monyèna peccot
Paḍâ amandirâ sopata
Jhung ghâlluwân ḍâpa' ka anjhir ponca bârâ'
Sampang, 16 Maret 2021
